www.erythrophobie.de

[katja16]

sali zäme,
geds kei schwizer do inne wo velecht au i mim alter send (16) ?

ganz e liebe gruess
katja

[ninzge]

mol sicher gits so Lüüt:)

Ich heisse Nina und bi wie du 16ni. Bin bis vor churzem devo usgange, dass usser mir niemer so vil rot wird.. Z wüsse, dass mer nid elei isch, isch irgendwie scho beruhigend.

Vo wo bisch de du?

Liebe Gruess

[katja16]

salü
ou hett ned dänkt das mol no öper do ine schribt. ech be vo lozärn ond du? be mittlerwiile öbrigens 17ni =)

lg

[ninzge]

Ich bin vo Aarau, im Momänt aber grad im Ustusch in Spanie (grad näbe Barcelona...). Ich wirde au imne Monet 17ni:-) wie gohts der eso?

[Tami]

hey zemme

cooli sach dases do au schwiizerpeople get..ha immer denkt seg die einzig vo de welt geschweige denn vo de schwiiiz...

schlimmi sach da ery... hender scho was degege undernoh???

[ninzge]

Hey Tami!
Undernoh hanich i dem Sinn na nüt. Ich versueche mich eifach ame de Situatione z`stelle und dem nid uswiiche, wil wenni die Situatione immer duen miide, denn esches bem nöchschte Mol nur schlimmer. Ich bin aber na nie ine Therapie oder so... Bi mir ischs ebe so, dassi nid nume rot wirde wägm ery, sondern au susch sehr vil. Aso wenni Sport mache, wenns heiss/chalt esch, usw... Het wahrschinlech met de Huut zdue, wo eifach empfendlech esch uf össeri Iflöss.
Was macheder so degäge?
Liebi Grüess

[katja16]

hey zäme, ech mach eigentlech ned vell degäge ond ech hoffe das ech dem "rotwärde" einisch cha so wenig beachtig schänke, das es verschwindet...sozsäge..
ech ha äbe s gfühl, das wemmer ständig öber das nachedänkt werds au ned besser ond ech möcht eigentlech ned ine therapie oder so...
mer müend eifach dänke, das mer no guet dra send wemmer so en "chrankheit" hend, im gägesatz zu anderne lüüt...ech ha jo trotzdem no mega spass im läbe ond be zemlech optimistisch..
also denn no en schöne obig allne zäme

[Tami]

jo also ich han au no nie öppis degege undernah...
häti au nie dradenkt, dass mer überhaupt chönti öpis degege mache...
wird nüm so vill rot wie früener..das liiit sicher au do dra, dass ich selbstbewusster worde bin...
ich gseh au alles optimistisch und gnüüsse s lebe so guet wies goht =)
_________________
Don't dream your life, live your dreams....

[blubberbläschen]

Hei, Ihr alle
Ich wollte nur mal kurz einwerfen,daß es soo schön ist zu lesen,wie Ihr Euch unterhaltet
Eure Sprache ist so so
hmmm.... ich finde keine Worte, aber sie bringt mich zum lächeln und dann kann´s ja nur gut sein.
Ganz liebe Grüße von mir
_________________
Der Tag ist 24 Stunden lang,aber unterschiedlich breit

[ninzge]

das freut mich natürlich
Mir gfallts Schwizerdütsch nämmli au choge cheibe fesch

[katja16]

jo gfallt mer au !
_________________
***man sieht nur mit dem herzen gut, das wesentliche ist für die augen unsichtbar***